Ble gallet ti gael gwybodaeth ar lety yn dy ardal?

Rhai awgrymiadau:

  • Rhyngrwyd
  • Cyngor neu Gymdeithasau Tai
  • Swyddfa lety’r brifysgol/coleg (os wyt yn fyfyriwr/wraig)
  • Asiantaethau Tai / Gosod
  • Ffrindiau a theulu
  • Hysbysebion mewn ffenestri siopau, archfarchnadoedd
  • Papurau lleol

Pethau pwysig i edrych amdanynt os wyt yn mynd i weld fflat neu dŷ rwyt yn ei hoffi:

  • Ydy’r drysau a’r ffenestri’n edrych yn ddiogel?
  • Ydyn nhw’n agor yn iawn?
  • Ydy’r cloeon yn gweithio’n iawn?
  • Oes arogl lleithder (damp) yno?
  • Oes smotiau duon neu arwyddion eraill o lwydni ar y waliau?
  • Pa argraff mae’r landlord / asiant yn ei rhoi: ydyn nhw’n gyfeillgar, ‘pushy’ neu’n anghwrtais?

Cwestiynau pwysig i ofyn os ei di i weld tŷ neu fflat rwyt ti’n ei hoffi:

  • Pa ddodrefn sy’n dod gyda’r tŷ / fflat?
  • A fydd hawl gen i addurno?
  • Ydy’r landlord yn bwriadu gwneud unrhyw waith addurno?
  • Oes gwres canolog?
  • Pa danwydd sy’n cael ei ddefnyddio?
  • Ydy’r dŵr poeth yn gweithio?
  • Pa mor gynnes fydd hi yn y gaeaf?
  • Oes larymau mwg yno?
  • Oes lawrm carbon deuocsid yno?
  • Ble mae’r dihangfeydd tân?
  • Rhaid i bob teclyn nwy gael ei archwilio gan archwiliwr CORGI cofrestredig yn flynyddol. Oes gan y landlord y dystysgrif ddiogelwch flynyddol ddiweddaraf?
  • Pa fath o gontract gaiff ei gynnig i fi?
  • Pa mor hir fydd hyd y denantiaeth?
  • Beth fydd yn digwydd os bydda i eisiau gadael?
  • Gyda phwy dylwn i gysylltu os oes angen gwneud gwaith trwsio?
  • Oes llinell ffôn yn y tŷ?
  • Ydy’r nwy, trydan a’r dŵr wedi’u cysylltu?
  • Ydy rhai o’r biliau wedi eu cynnwys yn y rhent?
  • Oes angen blaendal? Faint yw e?
  • Faint yw’r rhent?
  • I bwy fydda i’n talu’r rhent?
  • Faint o rent y bydd yn rhaid i fi dalu o flaen llaw?
  • Sut a phryd ydw i’n talu’r rhent?
  • Ydy’r landlord yn derbyn Budd-dal Tai (Housing Benefit)?
  • Faint y mae’r Budd-dal Tai yn debyg o dalu?
  • Faint yw’r Dreth Cyngor?
  • Beth fydd cost tebygol y biliau?
  • Pa mor agos yw’r tŷ / fflat at siopau, ffrindiau a theulu ag ati?
  • Oes cludiant cyhoeddus yn agos?